السلام عليكم ورحمه الله وبركاته
ليه يا زمن ..؟؟
تجرحنا
وتحيرنا
وتخلينا مثل الشجر في الصحراء
ماله صاحب
وبعد ما تعذبنا
تقول الدنيا لسه بخير ..!!
0000*
ليه يا زمن ..؟؟
نحب ونكون
عشّاق بجنون
وننصدم بمن حبيناهم
حتى العمر والله عطيناهم
ونقول بعد ما نندم بنتعلم من اليّ صار
0000*
ليه يا زمن ..؟؟
ننادي وقت شدتنا
لناس كنا لهم عون
ولا نلقى سوى الأعذار
وناس في عيونها أسرار
وبعدها نبكي على الإيثار اليّ سويناه
ونقول كذا حنا تعلمنا نعطي بدون ثمن
0000*
ليه يا زمن ..؟؟
نطالع لفوق
ونصدق نفسنا كبار
ونصير بلا دم وعروق
وبعدها يعلمنا الزمن والناس
من نكون
ونقول كل يوم بنتواضع وللأسف ما نقدر
0000*
ليه يا زمن ..؟؟
كلمه يصرخ بها كل جاهل
ويحّمل هالزمن أخطاءه
ويسب الزمن
ويقول هو سوى وسوى
ولا يدري بأن العيب فيه مو في الزمن
ولو كل إنسان ترك الزمن بحاله
وفكر بعيوبه
وحاول كل يوم يرقي أسلوبه
كان ما قلنا
ليه يا زمن ......؟؟؟؟؟
موضوع: ليه يااااا زمن .... 
الجمعة يونيو 27, 2008 10:14 am
